Unique gangster–81– انوکھا گینگسٹر قسط نمبر

اگلے تیس سے پینتیس منٹ میں ہم لوگ اپنی منزل پر ایک دو منزلہ مکان پر پہنچ گئے تھے ۔۔ اپنی مطلوبہ جگہ پہنچ کر میں نے بائیک روکی تو کومل میرے پیچھے سے نیچے اتر کر آگے دروازہ کی جانب بڑھ کر اس کے پاس لگی ہوئی بیل بجا کر انتظار کرنے لگ گئی ۔۔چند لمحوں کے انتظار کے بعد اندر سے ایک پکی عمر کی عورت باہر نکلی اور جیسے ہی اس کی نظر کومل پر پڑی تو اس نے مسکرا کر مل کر اس کا ہاتھ پکڑ کر جیسے ہی اندر کی طرف بڑھی تو کومل نے اس کو میری جانب اشارہ کر دیا ۔۔اس عورت نے ایک بھر پور نظر مجھ پر ڈالی جیسے وہ نظروں ہی نظروں میں مجھے تول رہی ہو کہ میں کس طرح کا لڑکا ہوں۔۔۔ اور پھر مطمئن ہو کر مجھے بھی اپنے پیچھے بائیک اندر لانے کا اشارہ کر کے کومل کا ہاتھ پکڑ کر اندر کی جانب بڑھ گئی ۔۔ان کے پیچھے پیچھے میں بھی اپنی بائیک کو پیدل ہی گھسیٹتا ہوا اندر داخل ہوا تو انہوں نے مجھے ڈرائنگ روم میں بٹھایا اور خود اندر والے کمرہ کی جانب بڑھ گئی ۔۔میں وہاں احمقوں کی طرح بیٹھا ڈرائنگ روم میں موجود ہر چیز کو غور سے دیکھے جا رہا تھا۔۔۔ جبکہ دوسری جانب کومل اور وہ خاتوں اندر آپس میں بات کر رہی تھیں ۔۔یہ تو کنفرم نہیں تھا کے وہ صرف اسی خاتوں سے بات کر رہی تھی یا کوئی اور بھی تھا پر مجھے ان کے باہر آنے کا بے چینی سے انتظار تھا ۔۔۔قریب بیس منٹ بعد روم کا دروازہ کھولا اور کومل ایک خوبصورت سی چشمش لڑکی کے ساتھ ڈرائنگ روم میں داخل ہوئی ۔۔۔لڑکی کی آنکھوں پر لگا نظر کا چشمہ اسکی خوبصورتی کو چار چند لگا رہا تھا ۔۔۔میرے قریب آکر وہ دنوں میرے سامنے والے صوفے پر بیٹھے تو کومل نے میرا تعارف کرواتے ہوۓ اس لڑکی سے کہا “صبیحہ اس سے ملو یہ ہے میرا دوست سلطان ۔۔۔۔اور سلطان یہ ہے میری دوست کم بہن زیادہ صبیحہ جس کے بارے میں میں نے تمہیں بتایا تھا۔۔۔۔ ” صبیحہ نے ہاتھ آگے بڑھا کر مجھ سے ملانا چاہا تو ایک لمحے کے لئے تو میں ہیچکچایا مگر پھر اپنے تاثرات پر قابو پا کر اس کے نرم و نازک ہاتھ کو اپنے ہاتھ میں ہلکے سے پکڑ لیا ۔۔۔چند لمحے میں اسکے ہاتھ کو اپنے ہاتھ میں محسوس کرتے ہوۓ اس کی آنکھوں میں دیکھنے میں مگن تھا کے مجھے واپس اپنے آنے کی وجہ یاد دلاتے ہوۓ کومل صبیحہ سے بولی ” صبیحہ سلطان کو تم سے کوئی ضروری کام تھا “کومل کی بات سن کر میں نے اس لڑکی کا ہاتھ چھوڑا تو وہ اپنی ایک ٹانگ پر دوسری ٹانگ رکھ کر اس پر قمیض ٹھیک کر کے مجھے دیکھتے ہوۓ بولی ” جی سلطان صاحب میں آپکی کیا مدد کر سکتی ہوں ؟” اسکی آواز بھی اسی کی طرح خوبصورت تھی میں اسکی آواز سن کر بولا ” پہلی بات تو یہ کے میں کوئی صاحب وغیرہ نہیں ہوں میرا بس ایک چھوٹا سا کام ہے جو کومل نے کہا آپ ہی اس کام کے لئے بیسٹ ہیں ” 

وہ بولی : جی بتائیں میں سن رہی ہوں 

میں بولا : مجھے دو نمبرز کی  ذریعہ دو موبائل کی ہیکنگ کروانی ہے ۔۔ان کا سارا ڈیٹا چاہئے کال ، میسج ، تصویریں ۔ ویڈیو وغیرہ ” میری بات سن کر وہ بولی ” ایسا نہیں ہو سکتا زیادہ سے زیادہ اس کی بس سی ڈی آر نکل سکتی ہے یعنی کال اور میسج کی ڈیٹیل مل سکتی ہے آپکو ۔

میں بولا : پر مجھے موبائل کے اندر موجود ڈیٹا چاہئے سارا جس میں ویڈیو اور تصویریں ہوں ۔۔۔

وہ بولی :ایسا تو مشکل ہے کرنا بلکہ ناممکن کہنا ٹھیک ہو گا ”

میں بولا : پر کومل نے تو کہا تھا تم سب سے بیسٹ ہو اس معاملے میں اور کچھ بھی کر سکتی ہو ۔۔” اپنی تعریف سن کر اس کے ہونٹوں پر ایک لمحے کے لئے مسکراہٹ کی ایک لہر  دوڑی مگر جلد ہی وہ اپنے تاثرات پر قابو پاتے ہوۓ بولی ” اپ کی بات ٹھیک ہے مگر کچھ چیزیں ہمیں بھی دیکھنی ہوتی ہیں کے وہ ہمارے بس میں ہیں بھی یا نہیں ۔۔اب کل کو آپ جیسا کوئی بول دے کے ہمیں امریکی ایٹمی پروگرام ہیک کرنا ہے تو کیا ہو جائے گا ؟” اپنا سوال کر کے وہ ایک لمحے کے لئے خاموش ہوئی ہم دنوں سے اس کی تصدیق کے لئے مگر ہماری طرف سے جواب نہ پا کر وہ خود ہی دوبارہ بولی ” بلکل نہیں ہم نہیں کر سکیں گے کیونکہ ان کے سسٹم کی سیکورٹی کی چار لہریں ہوتی ہیں ۔۔ہم غلطی سے ایک دو کراس کر بھی لیں تو تیسری لہر میں پھس سکتے ہیں ۔۔اور آپ کے معاملے میں ایک حل تو ہے پر اس کے لئے بھی جس کا موبائل . آپ نے  ہیک کروا کر ڈیٹا نکلوانا ہے اس کا موبائل آئی فون نہیں ہونا چاہئے   ” اس کی بات سن کر میں نے تیزی سے حامی بھری کیونکہ میری چھٹی حس کہ رہی تھی کے ان دنوں کے پاس  آئی فون کا  موبائل نہیں ہو گا  ۔۔اس لئے میں نے حامی بھرتے ہوۓ کہا ” کونسا حل ؟” 

وہ بولی : میں آپکو ایک بگ فائل دوں گی ” اس کے منہ سے بگ فائل کا لفظ سن کر میں بڑبڑاتے ہوۓ بولا کونسی فائل  تو وہ بولی ” آسان الفاظ میں آپکو ایک وائرس فائل دوں گی جو آپکو اس کے موبائل میں ڈالنی ہو گی اور اگر لیپ ٹاپ ہے تو اس میں بھی ڈالنی ہو گی مطلب سیو کرنی ہو گی۔۔۔ جیسے ہی آپ وہ فائل سیو کریں گے وہ موبائل یا سسٹم کے لیپ ٹاپ میں ہیڈن ہو کر غائب ہو جائے گی  ” 

میں بولا : یہ تو بہت مشکل اور خطروں بھرا ہے ۔۔ اس کے موبائل میں یہ سب کیسے سیو کریں گے ہم ۔۔۔

وہ بولی : صرف تمھارے لئے مشکل نہیں ہے اصل مسلہ میرے لئے ہو گا اگر انہیں سمجھ لگ گی اور انہوں نے ڈی کوڈ کر لی تو میں پکڑی جاؤں گی ۔۔

میں بولا : نہیں ! ایسا کچھ بھی نہیں ہو گا کبھی میری وجہ سے تم کسی مصیبت میں نہیں پھسو گی اس کی میں گرنٹی دیتا ہوں اور وعدہ بھی کرتا ہوں ۔۔تم وہ یو ایس بی دو جس میں وائرس فائل ہے میں کوشش کرتا ہوں کسی طرح وہ ان کے موبائل اور لیپ ٹاپ میں سیو ہو جائے۔۔۔ “میری بات سن کر صبیحہ اپنی جگہ سے کھڑی ہو کر اندر کمرہ میں گئی اور چند لمحوں بعد باہر وآپس آکر میرے ہاتھ میں ایک یو ایس بی پکڑا کر مجھ سے بولی ” دھیان رکھنا ایسا نہ ہو کے ۔۔۔۔۔” ابھی اس کی بات منہ میں ہی تھی کے کومل اس کی بات کو کاٹتے ہوۓ بولی ” تم ٹینشن نہ لو میں یقین دہانی کرواتی ہوں تم پر بات نہیں آئے گی۔۔۔تم یہی سمجھ لو یہ کام سلطان نہیں میں کروا رہی ہوں “کومل کی بات سن کر صبیحہ مسکراتے ہوۓ بولی ” پھر تو مجھے کوئی مسلہ ہی نہیں اگر یہ کام تم کروا رہی ہو ( گرنٹی لے رہی ہو )”

صبیحہ کی بات سن کر میں یو ایس بی پکڑ کر جیب میں ڈال کر کومل کی جانب دیکھتے ہوۓ بولا “چلو اب ہمیں نکلنا چاہئے ” میری بات سن کر صبیحہ جلدی سے بولی “کافی بن رہی ہے تھوڑی دیر رک جاؤ وہ پی کر جانا “اس کی بات سن کر میری جگہ کومل جواب دیتے ہوۓ بولی ” ابھی نہیں پھر کسی دن ابھی سلطان کو تھوڑی  جلدی ہے ”

صبیحہ بولی : اچھا جیسے تم لوگوں کو بہتر لگے ویسے بھی دوبارہ ملاقات ہونی ہے ہماری “اس کی بات سن کر ہم دنوں نے اثبات میں سر ہلایا اور صبیحہ کے ڈرائنگ روم سے باہر نکل کر موٹر سائیکل سٹارٹ کر کے اس پر کومل کو بیٹھا کر اسے اس کی مطلوبہ جگہ اتارا اور وہاں سے واپس کل والے راستے پر بائیک کو ڈال کر راستے میں ایک جگہ موٹر سائیکل روک کر میں نے جیب سے موبائل نکال کر عبیرہ کو کال ملا دی ۔۔چند بیلوں کے بعد اس نے کال اٹینڈ کی تو میں نے اس سے پوچھا ” کہاں ہو تم اس وقت ؟”

وہ بولی : ابھی آفس سے چھٹی ہوئی ہے گھر جا رہی ہیں خیر ہو ؟”

میں بولا :مجھے تم سے ملنا ہے کچھ ضروری کام ہے ”

وہ بولی : تو آجاؤ وہیں جہاں ہم کل رات کو ملے تھے۔۔۔ ”

میں بولا : ٹھیک ہے میں پانچ سے دس منٹ میں پہنچتا ہوں راستے میں ہوں ” اتنا بول کر میں نے کال کاٹ کر موبائل کو واپس جیب میں رکھا اور بائیک کو سٹارٹ کر کے اپنی مطلوبہ جگہ کی جانب روانہ ہو گیا۔۔ اگلے پانچ سے ساتھ منٹ میں میں وہاں موجود تھا ۔۔بائیک روک کر سب سے پہلے میں نے اپنی جیب سے رومال نکال کر اپنے چہرے کو ڈھانپا تا کے کوئی مجھے یہاں کھڑا ہوتے ہوۓ دیکھ نہ لے ۔۔