Keeper of the house-33-گھر کا رکھوالا

سب کی پھٹی پڑی تھی   کمشنر اور ایس پی کو پتہ تھا۔ جو ہو گیا ہے  وہ بہت غلط ہوا ہے، کیونکہ  انہیں بھی یقین نہیں تھا کہ نسرین جلال ایسی غلطی کرے گی ، لیکن اب اُن کے بس میں کچھ نہیں تھا کیونکہ اُستاد جی موقع پر ہی ثبوت کے ساتھ اُسے غلط ثابت کر دیا تھا۔ کچھ ہی دیر میں تھانے میں نسرین جلال اور چار پولیس والو کے سوا کوئی نہیں بچا، سب باہر نکل گئے۔

اُستاد جی: راحیل اب سب کچھ تمہارے ہاتھ میں ہے جو کرنا ہے کرو آدھا گھنٹہ ہے تمہارے پاس۔

اتنا کہہ کر اُستاد جی نے اشارہ کیا اور اُس کے باڈی گارڈ نےتھانے کا دروازہ باہر سے بند کردیا ۔ سب کو سمجھ نہیں آ رہا تھا کہ کیسے نسرین جلال کو کیسے بچایا جائے ۔

اچانک  کمشنر کو کچھ یاد آیا اور وہ ایک طرف چلا گیا۔  اُس نے اپنا فون نکالا اور کسی کو کال ملائی تھوڑی دیر وہ فون پر بات کرتا رہا اُس کے بعد اُس نے اپنا فون واپس جیب میں ڈالا اور واپس آگیا ۔ اب وہ تھوڑا سکون میں نظر آرہا تھا۔

راحیل: کیوں تجھے تیری اوقات پتہ لگ گئی میں نے بہت سے لوگ دیکھے ہیں جو کہتے ہیں پولیس بری ہوتی ہے ۔ کوئی فلم دیکھتا تو سوچتا پولیس تو اچھی ہوتی ہے، لیکن آج تجھے دیکھا تو پتہ چلا کہ پولیس اور ریپ کرنے والوں میں کوئی فرق نہیں ہوتا۔ جیسے پولیس بے بس لوگوں زور زبردستی کرتی ہے ، ویسے ہی ریپ کرنے والا بے بس لڑکی کا ریپ کرتا ہے ۔تم سب سالے ایک جیسے ہی ہو، کمزور لوگوں پر اپنی  طاقت کا استعمال کرنے والے۔

 میں باتیں کرتے کرتے ایک حوالدار کے پاس پہنچ گیا اور اس کے دونوں ہاتھ باری باری توڑ دیے پھر اُس کی ٹانگوں پر بھی کھڑی  ہتھیلی کے وار کر کے اُس کی ٹانگوں کو بھی کچھی لکڑیوں کی طرح توڑ دیا۔

جیسے ہی انسپکٹر نسرین جلال انہیں بچانے کے لیے آگے بڑھنے  لگی میں نے کہا

راحیل :ایک قدم بھی اور آگے بڑھی  تو ان کی موت کی زمہ دار بھی تو ہوگی۔

 وہ وہیں رک گئی میں نے سب کے ہاتھ پاؤں توڑ دیے اب صرف نسرین جلال بچی تھی۔

 میں نے اسے دیکھا اور کہا:  میری تربیت کا تو بتا دیا تھا اب اپنی  تربیت کا بھی بتا کہ کیسے تم لوگوں نے ایک اکیلے بے قصور کو ہتھکڑی لگا کر بھرے بازار میں شرمندہ کیا ۔

میں نے وہ چھوٹی ننجا تلوار اُٹھا لی جو خالد جاتے ہوئے رکھ کر گیا  تھا۔اور  ان چاروں کے پاس پھر سے پہنچ گیا۔

نسرین جلال: مہربانی کرنے انہیں چھوڑ دو میری غلطی ہے مجھے مار دو لیکن ان کو چھوڑ دو انہوں نے جو کیا میرے کہنے پر کیا انہیں مت مارو

راحیل: تجھے بھی ماروں گا چل پہلے تیرے ساتھ ہی تھوڑا حساب کتاب ہوجائے۔ ویسے تجھے میں معاف کر دیتا اگر تو نے میرے ماں باپ جن کی شکل بھی مجھے یاد نہیں جو اس دنیا میں نہیں ہیں انہیں درمیان میں نہ گھسیٹا ہوتا۔ چل اوپر والے کو یاد کر لے تجھے و ہی بچا سکتا ہے۔

میں تلوار لے کر اس کے پاس جا پہنچا تبھی فون بجا

“ٹریننگ ٹریننگ”

راحیل: اب کس کا فون  آگیا بتاؤ تھانے میں اب کوئی زندہ ہی نہیں رہے گا۔اور یہ جل کر خاک ہونے والا ہے اور یہاں فون آ رہے ہیں۔

 میں نے فون اٹھایا

دوسری طرف سے :  ہیلو ہیلو کون بول رہا ہے

راحیل: اس تھانے میں سب مرنے والے ہیں دوسر ے تھانے میں اپنی فریاد سنائیں یہ تھانہ اب اس دنیا سے رخصت ہوگیا ہے۔ شکریہ

اور میں نے فون رکھ دیا

فون دوبارہ بجنے لگا میں نے کال اٹھائی

دوسری طرف  سے: ہیلو ہیلو بیٹا راحیل میں کاشف کومل کا باپ بول رہا ہوں تم راحیل بول رہے ہو ناں

راحیل: سلام انکل آپ نے اس تھانے میں کیوں کال کی، اب تو  اس تھانے میں کوئی بھی نہیں ہے کوئی کام تھا کیا؟

کاشف: بیٹا مجھے منع مت کرنا دیکھو کومل کو تم بہن مانتے ہو میں بھی تمہارے باپ کی جگہ ہوں نا؟

راحیل: انکل آپ کیسی بات کر رہے ہیں آپ بتائیں

 کاشف: بیٹا منع مت کرنا بس میری یہ آخری بات مان لینا وہ انسپکٹر بہت ایماندار ہے اس کا اس کی ماں کے علاؤہ اس دنیا میں کوئی بھی نہیں ہے۔ کسی بڑے اور طاقت ور آدمی نے اس کی ماں کا ریپ کرکے اس کے باپ کو مار دیا تھا۔ اس لیے وہ پولیس میں آئی ہے تاکہ ایسے لوگوں کو سزا دے سکے۔ بیٹا راحیل ضرور اس سے کوئی بھول ہوئی ہے اسے معاف کردے۔ صرف ایک بار میرے کہنے پہ۔

میں کافی دیر چپ رہا

نسرین جلال مجھے دیکھ رہی تھی اسے بھی اپنی  موت نظر آرہی تھی ۔ویسے تو وہ نڈر لڑکی ہے موت سے نہیں ڈرتی ہے لیکن  ایک بے گناہ کے ہاتھوں  مرنے سے ڈر رہی تھی۔ اسے دکھ تھا کہ آج اس نے جو کیا غلط کیا ۔اسے دکھ تھا کہ وہ اپنے باپ کے قاتلوں سے بدلہ نہیں لے سکی۔

ادھر میں کافی دیر خاموش رہا ، لیکن آخر کار جوب تو دینا ہی تھا انکل کو سو میں نے کہا

راحیل :  ٹھیک ہے انکل آپ کے کہنے پر میں اسے چھوڑ دیتا ہوں اور کال بند کر دی۔

راحیل: مس نسرین جلال آج آپ کو اوپر والے نے ہی بچایا ہے۔جس کا  مطلب ہے کہ آپ واقعی ایماندار ہو۔ میں امید کرونگا آپ دوبارہ  سے ایسی کسی غلطی کو نہیں دوہراؤ گی۔  اور دوبارہ اگر کبھی ہماری ملاقات ہوئی تو ہم  ایک دوسرے کو دشمن کی نظروں سے تو نہ دیکھیں۔اس لیئے میں تمہیں اور تمہارے ساتھ ان پولیس والوں کو بھی زندہ چھوڑ کر جارہا ہوں ۔ آئیندہ سے کوشش کرناکہ کسی بے گناہ کو گناہگار نہ سمجھنا ۔ نہیں تو اگر مجھے معلوم ہوا تو میں پوچھنے نہیں آؤں گا۔ سیدھا سزا دینے آؤں گا۔اور اُس واقت کوئی معافی نہیں ہوگی۔

اتنا کہہ کر میں باہر آیا اور اُستاد جی اور خالد کے ساتھ سیدھا جا کر گاڑی میں بیٹھ گیا۔

ہمارے  جانے کے بعد ۔

ایس پی: تمہارا دماغ خراب ہوگیا تھا نسرین جلال،  ایک بے گناہ کے ساتھ تم نے ایسا رویہ اختیار کیا ، اور وہ بھی اتنے طاقتور انسان کے ساتھ ۔تم نے صرف آدھا  گھنٹہ اسے بند رکھا  ہے اور دیکھو اس نے پورے صوبے کی طاقت کو ہلا کر رکھ دیا۔

نسرین جلال: یہ کون ہے؟

کمشنر: یہ تو مجھے بھی نہیں پتہ ہے کہ یہ لڑکا کون ہے ۔لیکن اُستاد جی اس کے لیے آئے ہیں تو یہ کوئی  بہت خاص شخصیت ہی ہوگی ۔ ایک بات کا خیال  رکھنا یہ وہ لوگ ہیں جو سچائی کا ساتھ دیتے ہیں ان کی نظر میں جرم کی سزا صرف موت ہے۔ ان سے دوستی نہ کرو تو دشمنی تو بالکل بھی نہیں کرنا۔ایسا پہلی دفعہ ہوا ہے کہ کوئی ان سے زندہ بچ گیا،  ورنہ میں نے کبھی نہیں دیکھا کہ کوئی گناہ گار ان کے ہاتھوں زندہ بچا ہو۔اس لیئے تم اوپر والے کا شکر ادا کرو کہ تم زندہ اور سلامت بچ گئی۔

 نسرین جلال: سر تھانے میں کسی کی کال آئی تھی اس نے کال اُٹھا ئی اور بات کی ،کوئی تھا جسے یہ انکل انکل کہہ کر مخاطب کر رہا تھا اور پھر مجھےوارننگ دے کر چھوڑ دیا۔

کمشنر: میں جانتا ہوں اُس کو میں نے فون کر کے کہا تھا کہ کسی بھی طرح کر کے تمہیں بچائے، وہ سندھ کے کمشنر تھے ان کی بیٹی اس کو بھائی مانتی ہے اور یہ بھی اُس کو بہت مان دیتا ہے ،اس لیے تم بچ گئی۔

نسرین جلال: شکریہ  سر ،  میں بشیر کو لے کر غصے میں تھی اور سکول سے سیکورٹی دیکھ کر آ رہی تھی ،نیچے لڑائی دیکھی اور لڑکیاں گھبرا کر کھڑی تھی تو غلطی ہوگئی   مجھے معاف کردیں۔

 ایس پی: بیٹی تم ایک قابل پولیس والی ہو دوبارہ یہ غلطی مت کرنا ،اور اگر وہ دوبارہ ملے تو اُس سے اچھے سے ملنا تاکہ دوبارہ کوئی بدمذگی نہ ہو۔

نسرین جلال دل میں بولی (معاملہ حل تو کرنا پڑے گا، اس میں جوانی کی گرمی کچھ زیادہ ہی ہے )

٭٭٭٭٭٭