Reflection–31–عکس قسط نمبر

  “کوئی مسئلہ نہیں شانی۔اب اتنےعرصے بَعْد آئے ہو ، کچھ تو ہونا چاہیئے نا  تمہارے لیے ” واہ  کیا بات ہے! میرے گھر میں ہی مجھے جگہ دےکر احسان جتا  رہی تھی ہنسیکا چاچی۔

“تم ریسٹ کرو ، رات کو ملتے ہیں  او کے ؟کچھ چاہیئے ہو تو مجھے بتا دینا  ”ان کی آواز میں ایک کھنک تھی، ایک دعوت۔ شاید وہ مجھے اپنے ممے تاڑتے بھانپ چکی تھیں۔

“تھینک یو آگین ہنسیکا چاچی، آپ بہت اچھی ہیں  ” میں نے ہلکی سی نظریں اُٹھائیں اور ان کی تعریف کی ۔ہنسیکا چاچی کی سمائل اور پھیل گئی۔

انہوں نے مجھے مسکراتے ہوئے ہاتھ ہلاکرمڑگئی اور گانڈ مٹکاتی  ہوئی باہر چلی گئیں۔

میں نے اپنا سامان کھول کر اپنی چیزیں الماریوں میں رکھنا شروع کی۔ میں بڑے سلیقے سے اپنے تہہ کئے کپڑے الماری میں رکھ رہا تھا۔

“سامان تو ایسے رکھ رہے ہو جیسےتمہارے جہیز کا ہو ” ایک جانی پہچانی آواز ابھری۔

“جمال؟ ” میں ایک دم سے مڑ گیا۔ لیکن یہاں کوئی نہیں تھا۔ “کدھر ہو تم ؟”

“بیوقوف ہی رہنا تم  ” اس کی آوازمیرے زہن میں ابھری۔ “یاد نہیں آخری ملاقات میں کیا کہا تھا میں نے ؟ ”

اور مجھے یاد آگیا۔ جمال کا ظاہری وجود ، مجھے اسکول کے علاوہ کہیں نہیں دِکھ سکتا تھا۔

“میں تمہارے دماغ میں رہتا ہوں۔تاکہ اس کو اندر سے زنگ نہ لگے” اس کا  قہقہہ گونجا۔

“اچا بس ، سقراط نا بنو  زیادہ ۔ یہ بتاؤ میری ایکٹنگ کیسی رہی ؟ کسی کو شک کا موقع دیا میں نے ؟ ” میں نے دوبارہ کپڑےاٹھاتے ہوئے اس سے پوچھا“

 لاجواب ۔۔۔مجھے یقین نہیں آرہا تھا کہ تم ایسا کرسکتے ہو۔ راجیش کھنا کی یاد دلا دی  تم نے تو۔ ” جمال نے ہنستےہوئے میری تعریف کی ، یا  شاید طنز  “

شکریہ۔آپ کی ذرہ نوازی کا ” میں نے کہا۔ویسے ، تم کسی کام آسکتے ہو ادھر؟ کسی پہ نظر رکھ سکتے ہو ؟ ” میرے ذہن میں ایک کچھڑی  پك رہی تھی۔

“ہممم۔۔۔میں اِس حالت میں تم سے زیادہ دور نہیں رہ سکتا۔ کچھ حدود ہیں میری”  اس کی آواز آئی۔

“تووو پِھر اکرم چاچا پہ کیسے نظر رکھوگے؟” میں نے پوچھا “  میرے آنے کا سن کر یقینا انہوں نے چکرچلانے شروع کر دیئے ہونگے۔ مجھےاپنے دشمن کی کارروائیوں پہ نظر رکھنی ہے۔” میں نے اسے سمجھاتے ہوئے کہا۔

“ایک طریقہ ہے۔ ” جمال کی آواز آئی

 “وہ کیااا؟؟ ؟ ”

“چندر مکی سےرُجوع کرو۔اور  ہالینتا کی دوا کا پوچھو۔ باقی میں سمجھا دونگا۔”  جمال کی پہیلیوں والی باتیں پِھر شروع ہوگئی تھیں۔

“کیسا ہا لینتا ؟ ” مجھے سمجھ نہ آیا۔

“ہالینتا ، شانی ، ہالینتا۔۔۔ بس اتنا پوچھ لینا۔ “تیری بڑی مہربانی”جمال کا سڑا ہوا جواب آیا “

اچھا دیکھتا ہوں۔” میں نے ٹھنڈا  سانس لیا۔  اِس سے  مدد مانگو تو یہ 10 کام اور پکڑا دیتاہے۔ خود کیوں نہیں پوچھ لیتا ہالینتا مالینتا ، پتہ نہیں کیا ہے یہ۔

“اوکے۔۔۔میں چلا۔ تم محتاط رہنا ۔۔۔ ” جمال کی آواز جیسے دور ہوتی گئی۔ وہ جا چکا تھا۔۔۔

چلو ، کوئی تو ہے جس سے میں اپنی بھڑاس نکال سکتا ہوں۔ بھلے ہی نظر نہ آئے۔

یہی سوچتے ، اور دماغ میں پلاننگ کرتے میں نے اپنا سارا سامان الماریوں میں سیٹ کر دیا۔اور پِھر فریش ہونے واشروم میں جا گھسا۔

شام کو دروازے پہ دستک ہوئی تو دیکھا اکرم چاچا تھے۔

 “کمرے میں ہی رہنے کا اِرادَہ ہے کیا ؟ ” وہ اندر آتے ہوئے بولے۔  “دوپہر سے بند ہو یہاں۔ سب ٹھیک ہے ؟”

 “جججی اکرم چاچا۔ بس تھکن تھی تھوڑی  سی تو ریسٹ کر رہا تھا” میں نے اپنی  ایکٹنگ جاری  رکھی “

 ”گڈ۔۔۔” وہ دیوار سے ٹیک لگاکے کھڑے ہوئے اور پِھر انہوں نے اپنی تیرجیسی نظریں مجھ پہ گاڑ دیں۔ ایسا لگ رہا تھا کہ وہ مجھے آنکھوں سے ٹٹول رہے  ہوں۔

“ڈرے ڈرے رہتے ہو۔ہم سے کوئی مسئلہ تو نہیں ؟ ”

“ننا،،نہیں ایسی بات نہیں’  میری  ایکٹنگ  نے ان کو یقینا قائل کر لیا تھا ،  جب ہی تو وہ مجھ سے یہ کنفرم کرنا چاہ رہے تھے کہ آیا میں ان کے خلاف دِل میں کوئی رنجش رکھتا ہوں کہ نہیں  “

پپ،،،پاگل خااانے نے جس اسکول میں بھیجا تھا، وہاں میں نے زیادہ تر وقت تنہائی میں گزارا ہے۔تت،،،،،تو اتنے لوگوں اور  وہ بھی اپنے قریبی رشتے داروں کے ساتھ رہنا، مممیرے لیے اایک نیا ایکسپیرینس  ہے”   میں نے رک رک کے  دھیمی آواز میں ان کو دلیل پیش کی۔

“میں سمجھ سکتا ہوں  ” میری دلیل میں شاید وزن تھا۔ ان کے لہجے میں سے بناوٹ کم تو نہ ہوئی، لیکن ان کا دفاع  ضرور ہلکا ہوگیا تھا۔ انہوں نے ایک ہاتھ میرے کندھے پہ رکھتے ہوئے کہا۔

“بیٹا ، لوگ باتیں کرتے ہیں”

“کیسی باتیں اکرم چاچا ؟ ” میں نے دِل منہ لینے والی  معصومیت سے پوچھا۔

“اب عجیب لگتا ہے تم سے یہ باتیں کرنا۔ بٹ یو نو، کچھ لوگوں کا خیال ہے کہ میں نے کچھ کیا تھا۔۔۔کوئی سازش، تمہارے خلاف۔۔۔۔تمہارے ڈیڈی کے کاروبار کو میں نے زبردستی بیچا اور  بھائی۔۔۔ آگے میں کچھ نہیں کہوں گا”اکرم چاچا نے بڑی مکاری  سے اپنا جملہ ادھورہ چھوڑا۔

مجھے کچھ کچھ سمجھ آرہی تھی۔ میری 18 برتھ ڈے میں 2 دن تھے۔ کورٹ کے آرڈر اور پاگل خانے کی ٹریٹمنٹ پہ وہ سائن  کرچکے تھے۔ قانونی لحاظ سے میرا، جائیِداد  پہ حق بنتا تھا۔ وہ کچھ بےبس سے تھے۔ سیدھی انگلی سے یہ گھی نہیں نکل  رہا تھا تو لہذا  اب وہ کوئی نئی گیم  کھیل  رہے تھے۔

“جججی چاچو مجھے یاد ہے۔ ” میں نےانتہائی  کربناک اور معصومانہ شکل بنائے، ایک لمحے کو اکرم چاچا کی آنکھوں میں ترس سا آیا لیکن دوسرے ہی لمحے وہ سنبھل گئے۔

 “میں جانتا ہوں کہ بھائی نے سہی نہیں کیاتھا۔ لیکن اکرم چاچا ، میں اپنے بھائی جیسا تو نہیں۔ مجھے بس آپ لوگوں کے سَرکاسایہ چاہیئے تھوڑا سا۔کسی بورڈنگ اسکول یا پاگل خانے میں نہیں رہنا چاہتا ” میں نے آنکھیں جھکا کر اپنی طرف سے کوئی لاجواب ا یموشنل ایکٹنگ کی اور اکرم چاچا کے رپلائے کا  ویٹ کرنے لگا ۔

اکرم چاچا نے ایک واہیات  سی ہنسی ہنستے ہوئے کہا  “ہاں بیٹا آئی نو۔۔۔ آپ بہت الگ ہو۔۔۔ ہم بس یہی چاہتے ہیں کہ تم اتنے عرصے بَعْد آئے ہو تو ساتھ ہی رہو۔ ایٹلیسٹ جب تک تمہارا علاج کمپلیٹ نہ ہوجائے۔ ” پِھر وہ ایک دم سے سنجیدہ ہوئےاور میری آنکھوں میں دیکھ کر بولے۔
“تمہاری کرب کا اندازہ ہے مجھے شانی۔۔تم نے واپس آکر جن نظروں سے اِس گھر کو دوبارہ دیکھا تھا، اس سے مجھے لگتا  ہے  کہ تمہارے زخم ابھی تک نہیں بھرے ہیں۔ تمہارے  والدین کےمرڈر  سے  لیکر تمہارے بھائی کے انجام تک۔۔۔تم نے بہت دکھ  جھیلے ہیں۔ دیکھو ،کیا حال ہوگیا ہے تمہارا”

اکرم چاچا  نے کچھ کچھ حقارت بھرے لہجےمیں میرے ماضی کی نظر کشی کی۔ ایسالگ رہا  تھا جیسے وہ جان بوجھ کر میرے زخم  تازہ کرنا چاہتے ہوں۔

“ہم سب تمہارے ساتھ ہیں۔ ” ایک دم سے ان کے چہرے پہ پِھر سے ہنسی پھیل گئی“  اور جب تک تمہارے یہ زخم بھر نہیں جاتے ، ہم تم سے دور نہیں ہونگے”انہوں نے میرا کندھا  تھپتھپایا اورپِھر کمرے سے باہر چلے گئے۔

اکرم چاچا کا گیم پلان میرے پلے پڑ گیاتھا۔ میری ایکٹنگ نے ان کو کنوینس کر لیا تھا کہ میں ابھی تک ذہنی مریض ہوں۔ وہ بار بار مجھے میرا پاسٹ اسی لیےیاد دلا رہے تھے تاکہ میں اورسوچوں۔۔۔ اور اپنا دماغ اور حال حلیہ خراب کروں۔ اور پِھر وہ ہر ہفتےآنے والی مینٹل وارڈ کی ٹیم کو میری حالت ناساز  بتا کر ایک  بار پِھر پاگل خانے بھجوا دیں۔ سمارٹ۔۔۔ ویری سمارٹ۔۔۔بس ایک پروبلم تھا اِس پلان میں۔  جیسا اکرم چاچا مجھے سمجھ رہے تھے ۔میں ویسا بالکل نہیں تھا۔