Smuggler–92–سمگلر قسط نمبر

کنیا میرے بالکل ساتھ جڑی ہوئی چل رہی تھی۔ میں نے شروع  ہی سے محسوس کیا تھا کہ وہ کچھ خوفزدہ تھی ۔ خوف ہونا  ہی چاہئے تھا اگر پہچان لی جاتی تو زندگی کی مہلت بھی نہ ملتی۔ میں اس جگہ پہنچ کر رک گیا جہاں رات میری کار خراب ہوئی تھی اور تعاقب کرنے والوں نے مجھے گھیرنے کی کوشش کی تھی۔ اس وقت سامنے سے ایک موٹر سائیکل آ رہی تھی میں کنیا کے ساتھ سیدھا چلتا رہا موٹر سائیکل ہمارے قریب سے گزر کر دور پہنچی تو میں کنیا کا ہاتھ پکڑ کر سڑک کی ڈھلان پر جھاڑیوں میں اترتا چلا گیا۔

ارے ارے کہاں جا رہے ہو ۔ کنیا چیخ اٹھی۔ خاموشی سے چلتی رہو ۔ میں نے کہا۔

کنیا کی ساڑھی بار بار جھاڑیوں میں الجھ رہی تھی لیکن میں اسے کھینچتا ہوا دوڑتا رہا۔ مجھے اندیشہ تھا کہ اگر سڑک پر سے کسی نے دیکھ لیا تو اچھا نہیں ہوگا۔ کسی عورت کو رات کے وقت جھاڑیوں میں لئےجانے کا مطلب لوگ اچھی طرح سمجھتے ہیں ۔ ہم جھاڑیوں سے نکل کر اس مکان کے سامنے پہنچ گئے جو دراصل اچال شوار مندر ہی کا ایک حصہ تھا اور مندر میں آمدورفت کے خفیہ راستے کے طور پر استعمال ہوتا تھا۔ میں جینز کی جیب میں چابی ٹٹولنے لگا۔

 یہ کس کا مکان ہے؟ کنیا نے ادھر ادھر دیکھتے ہوئے پوچھا۔

پورے ماؤنٹ ابو میں ہمارے لیے یہ سب سے محفوظ جگہ ہے ۔ میں نے جیب سے چالی نکالتے ہوئے کہا۔

مجھے یہاں سے گئے ہوئے کئی روز ہو چکے تھے اگر چہ مندر کے پنڈت نے چابی دیتے ہوئے کہا تھا کہ میں جب بھی آؤں گا اندر داخل ہونے میں تجھے کوئی دشواری پیش نہیں آئے گی، لیکن نجانے میرےذہن میں یہ خیال کیوں آ رہا تھا کہ اندر سے بولٹ نہ لگا دیا گیا ہو۔ مگر میرا یہ اندیشہ بے بنیاد نکلا ۔ ہضمی قفل میں چابی گھماتے ہی دروازہ آسانی سے کھل گیا۔ پہلے میں نے کنیا کو اندر جانے کا راستہ دیا پھر خود اندر داخل ہو کر دروازہ بند کیا اور دیوار ٹٹول کر بتی جلالی۔

اس وقت پہلی مرتبہ میں نے اس مکان کا تفصیلی جائزہ لیا۔ تین کمرے تھے ایک دو دروازے کے سامنے والا یہی کمرہ تھا جس میں تین چار کرسیاں پڑی ہوئی تھیں ۔ ایک بیڈ روم کے طور پر آراستہ تھا۔

اس میں دو چار پائیاں بچھی ہوئی تھیں ۔ بستر بھی لگے ہوئے تھے۔ تیسرے کمرے میں دو تین کرسیاں اور ضرورت کی کچھ اور چیزیں بھی پڑی ہوئی تھیں ۔ ایک چھوٹا سا کچن اور باتھ روم بھی تھا۔ کچن میں ضروری برتن تو موجود تھے مگر کھانے پینے کی کوئی تیز نہیں تھی۔

کنیا بھی میرے ساتھ ساتھ گھوم رہی تھی ۔ آخر میں ہم دوبارہ بیڈ روم میں آ گئے۔ یہاں وہ پائیوں کے بیچ میں ایک پرانی سی تپائی بھی پڑی تھی اور دروازے والی دیوار کے ساتھ دو کرسیاں بھی رکھی ہوئی تھیں ۔ اس دیوار پر  انٹر کام سیٹ بھی لگا ہوا تھا۔

میں نے انٹر کام کا ریسیور اٹھا لیا اور ذہن پر زور دیتے ہوئے یاد کرنے کی کوشش کرنے لگا کہ پنڈت نے مجھے کون سے نمبر پریس کرنے کو کہا تھا۔ آخر کار مجھے وہ نمبر یاد آ گئے اور میں نے بٹن دبا دیئے۔ زیر و زیر و تھری۔

تقریبا ڈیڑھ منٹ بعد دوسری طرف سے کال ریسیو کی گئی تھی۔ آواز کسی عورت کی تھی۔

نتاشہ ۔

میں نے اندھیرے میں تیر مارا۔

ہاں میں نتاشہ ہوں ۔ تم کون ہو؟“ دوسری طرف سے پوچھا گیا۔

میں وہی ہوں جس نے چند روز پہلے اتفاقاً طور پر پنڈت کے عشرت کدے میں تم لوگوں سےملاقات کی تھی اور تم لوگوں نے مجھے چھوٹے مکان سے رخصت کیا تھا اور تمہارے پنڈت نے مجھے اس مکان کی چابی بھی دی تھی۔ میں نے اسے تفصیل سے یاد دلایا کہ میں کون ہوں۔ نام اس لیے نہیں بتایا کہ اس رات ہمارا تعارف نہیں ہوا تھا۔

مانے۔ نتاشہ کی آواز سنائی دی۔ تمہیں میرا نام کیسے معلوم ہوا ؟“ میں اس کے منہ سے اپنا نام سن کر چونک گیا۔

منی لال کے آدمی تمہیں تلاش کرتے پھر رہے ہیں ۔ تین چار دن پہلے تم نے کرشمہ کے ساتھ جو کچھ کیا ہے وہ بھی سب کو پتہ چل گیا ہے۔ کرشمہ کے ذریعے تمہارا نام پورے ماؤنٹ ابو کے رہنے والوں کو معلوم ہو گیا ہے اور وہ لڑکی کہاں ہے جو تمہارے ساتھ بھاگی تھی کیا نام ہے اس کا ہاں یاد آ گیا کنیا۔

وہ میرے ساتھ ہے۔“ میں نے جواب دیا ۔ تم اپنے گرو کے ساتھ یہاں آ رہی ہو یا میں آجاؤں۔

تم وہیں رکو، راستہ بھول جاؤ گے ۔ نتاشہ نے کہا۔ میں گرو کو لے کر آتی ہوں۔”

ٹھیک ہے۔ میں یہاں انتظار کر رہا ہوں ۔ میں نے کہتے ہوئے ریسیور رکھ دیا۔ کنیا ایک طرف کھڑی الجھی ہوئی نظروں سے میری طرف دیکھ رہی تھی۔ میرے ہونٹوں پر خفیف سی مسکراہٹ تھی۔

ذہن کو مت الجھاؤ۔” میں نے کہا۔ ” مجھے سمجھنے میں تمہیں کچھ وقت لگے گا۔ ویسے میں کوئی ایسی شئے بھی نہیں ہوں کہ آسانی سے سمجھ میں نہ آسکوں ۔ مختصرسی بات یہ ہے کہ منی لال میری جان کا دشمن ہے وہ مجھے ہر قیمت پر ختم کرنا چاہتا ہے۔ کئی روز سے مجھے شہر میں تلاش کیا جا رہا ہے، لیکن یہاں میرے کچھ ایسے ہمدرد بھی پیدا ہو گئے ہیں جو مجھے اب تک اس کی پہنچ سے دور رکھے ہوئے ہیں۔

 اور یہ کرشمہ کا کیا چکر ہے؟ اسے کیسے جانتے ہو؟“ کنیا نے پوچھا۔

کرشمہ ہی دراصل وہ ناگن ہے جو مجھے دھوکے سے منی لال کے پاس لے گئی تھی ۔“ میں نے جواب دیا۔ ” میں ادی ناتھ مندر سے بھاگ نکلا تھا۔ اور کسی طرح اس مندر میں پہنچ گیا اور اتفاق سے اس مندر کے پروہت کی خلوت گاہ میں داخل ہو گیا جہاں وہ دو عورتوں کے ساتھ داد  عیش دے رہا تھا۔ راز داری کے وعدے پر اس نے میری مدد کی اور مجھے اس مکان کے راستے سے باہر نکال دیا۔ بعد میں مجھے پتہ چلا تھا کہ منی لال کے دو آدمی میری تلاش میں اس مندر میں گھس گئے تھے اور انہوں نے میرے بارے میں پوچھنے کے لیے ایک پجاری کو اذیت دے کر ہلاک بھی کر دیا تھا۔ یہ وہی مکان ہے جہاں سے میں مندر سے باہر نکلا تھا۔

تمہارا مطلب ہے یہ مکان۔ یعنی اس مکان کا مندر سے بھی کوئی تعلق ہے؟“ کنیا کے لہجے میں حیرت تھی۔

یہ مندر صدیوں پہلے تعمیر ہوا تھا۔ میں نے کہا پرانے زمانے میں راجاؤں کے محلوں اور مندروں میں سازشیں ہوتی رہتی تھیں۔ مندروں، اور محلوں میں زیر زمین خفیہ راستے بھی بنائے جاتے تھے تو اس مندر کے صرف ایک ہی خفیہ راستے سے واقف ہوا ہوں۔ مجھے یقین ہے کہ یہاں اور بھی بہت سے خفیہ راستے اور سرنگیں ہوں گی۔